Botërori/ Trajneri Popovic zgjat kontratën me Australinë deri në vitin 2027

Botërori 2026 | 5 muaj më parë

Trajneri i Australisë, Tony Popovic, ka nënshkruar një zgjatje kontrate deri në fillim të vitit 2027, në prag të ndeshjes hapëse të ekipit të tij në Kupën e Botës kundër Turqisë të shtunën.

Federata e Futbollit e Australisë njoftoi se kontrata e 52-vjeçarit zgjatet deri në Kupën Aziatike AFC, e cila do të zhvillohet në janar dhe shkurt 2027 në Arabinë Saudite.

Ish-lojtari ndërkombëtar australian u punësua në shtator 2024 dhe udhëhoqi “kangurët” drejt kualifikimit për turneun e Amerikës së Veriut.

“Jam krenar që e udhëheq vendin tim në Kupën e Botës, por më e rëndësishmja, dua të sigurohem që ekipi ynë të jetë plotësisht i përgatitur dhe i përqendruar në ndeshjet e grupit kundër Turqisë, Shteteve të Bashkuara dhe Paraguait”, tha ai për kundërshtarët e Australisë në Grupin D.

australia

Popovic

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.