Shtetasi italian tentoi të kalonte kufirin me 25 mijë euro të padeklaruara, sekuestrohet shuma në Portin e Durrësit

Aktualitet | 5 muaj më parë

Strukturat e Doganës së Durrësit, në bashkëpunim me Policinë Kufitare, kanë sekuestruar 25,000 euro të padeklaruara në Portin e Durrësit, gjatë një kontrolli të ushtruar.

Sipas autoriteteve, shuma monetare u zbulua në një automjet në pronësi të një shtetasi italian, i cili ishte paraqitur për kontroll rutinë në hyrje/dalje të portit.

Gjatë verifikimit dhe kontrollit fizik të mjetit, autoritetet konstatuan se shuma e parave nuk ishte deklaruar pranë institucioneve kompetente, ndërsa nuk u gjetën sende të tjera të paligjshme.

25,000 eurot e sekuestruara i janë kaluar strukturave përgjegjëse për vijimin e procedurave të mëtejshme administrative dhe ligjore.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.