Gjendet një trup i dekompozuar në fshatin Cerrujë

Aktualitet | 5 muaj më parë

Një trup i pajetë në proces dekompozimi është gjetur nga autoritetet në territorin e fshatit Cerrujë. Lajmi është konfirmuar zyrtarisht përmes një njoftimi për mediat nga Policia e Shtetit, e cila ka nisur veprimet hetimore në vendngjarje.

Sipas të dhënave fillestare të bëra publike, viktima i përket seksit mashkull dhe është konstatuar në lagjen Domush të këtij fshati.

Në vendin e ngjarjes kanë zbritur strukturat lokale të rendit dhe ekspertët ligjorë. Policia e Shtetit specifikoi se në terren janë “shërbimet e Policisë dhe grupi hetimor, në drejtimin e Prokurorisë”.

Autoritetet kanë bërë të ditur se po punojnë intensivisht “me qëllim identifikimin e shtetasit, si dhe zbardhjen e rrethanave të tjera të rastit”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.