Nga Apolonia te Teuta, prezantohet sulmuesi që spikati në Kategorinë e Parë

Abissnet Superiore | 4 muaj më parë

Teuta vazhdon të përforcojë organikën në prag të sezonit të ri. Klubi durrsak ka prezantuar afrimin më të ri në skuadër, sulmuesin Mmesoma Umejiego.

Ai spikati sezonin e kaluar me fanellën e Apolonisë në Kategorinë e Parë, ku shënoi 10 gola në 13 ndeshje.

“KF Teuta njofton zyrtarisht arritjen e marrëveshjes me sulmuesin shtatlartë Mmesoma Umejiego, i cili bashkohet me skuadrën durrsake nga KF Apolonia.

Sulmuesi nigerian vjen pas një sezoni mjaft pozitiv, ku realizoi 10 gola në 13 ndeshje me fanellën e Apolonisë, duke konfirmuar cilësitë e tij në repartin ofensiv.

Klubi i uron Mmesoma Umejiegos mirëseardhje në familjen blu dhe shumë suksese me fanellën e Teutës”, shkruhet në njoftimin e klubit durrsak.

teuta

Umejiego

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.