Epoka e Dean Klafuriç ka nisur zyrtarisht te Tirana. Klubi kryeqytetas prezantoi trajnerin kroat, i cili do të udhëheqë bardheblutë në sezonin e ri, me objektivin për ta rikthyer skuadrën te trofetw madhorë. Në fjalën e tij të parë, Klafuriç e cilësoi Tiranën si klubin më të madh dhe më historik në Shqipëri.

“Përshtypja e parë është se Tirana është klubi më i madh dhe historik në Shqipëri, dhe gjithashtu është një mundësi e mirë të punoj në një klub të madh. Jam i lumtur që e mora këtë mundësi në karrierën time. Për mua gjërat e rëndësishme në futboll janë dashuria, pasioni dhe puna në ekip”.

Klafuriç u ndal edhe te filozofia e tij e punës. Tekniku kroat theksoi se suksesi nuk vjen vetëm nga cilësitë individuale, por mbi të gjitha nga disiplina, përkushtimi dhe puna e vazhdueshme e grupit.

“Sigurisht që ka respekt dhe përgjegjësi, në cilësinë e aftësive futbollistike për ti treguar në çdo ndeshje dhe çdo stërvitje. Motoja ime është të punoj çdo ditë dhe jep cdo ditë”.

Në fund, Klafuriç foli edhe për identitetin e skuadrës, duke theksuar se synimi i tij është të ndërtojë një Tiranë që respekton historinë dhe rikthen ADN-në fituese.

“Për mua Tirana është një klub me identitet dhe unë kam ardhur këtu për të ndryshuar ADN e Tiranës. Kam ardhur këtu për t’u përshtatur me historinë dhe për të dhënë maksimumin për klubin dhe për të ndihmuar lojtarët të japin më të mirën duke përfaqësuar Tiranën”.