“Abissnet Superiore”/ FSHF organizon të hënën hedhjen e shortit për sezonin 2026-2027

Futboll Vendi | 4 muaj më parë

Federata e Futbollit do të organizojë të hënën e 13 korrikut hedhjen e shortit për kalendarin e sezonit të ri të kampionatit “Abissnet Superiore” 2026-2027.

Departamenti i Komunikimit njofton se ceremonia e hedhjes së shortit për edicionin e 88-të të kampionatit “Abissnet Superiore” do të zhvillohet në “Shtëpinë e Futbollit”, duke nisur nga ora 11:00.

Eventi do të transmetohet drejtpërdrejt në kanalin zyrtar FSHF TV. Sezoni i ri i “Abissnet Superiore” është planifikuar të nisë më 22 gusht 2026 dhe do do të mbyllet më 9 maj 2027.

Në edicionin 2026-2027 do të garojnë këto 10 skuadra: KF Egnatia, AF Elbasani, KF Vllaznia, FC Dinamo City, FK Partizani, KF Tirana, FK Vora, KF Teuta, KF Laçi dhe KF Skënderbeu.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.