Vijon zjarri në vendgrumbullimin e mbetjeve në Fushë Krujë, ndërhyjnë edhe Forcat e Armatosura

Aktualitet | 3 muaj më parë

Vijon për të tretën ditë zjarri në vendgrumbullimin e mbetjeve në fshatin Halilaj të Fushë Krujës, ndërsa forcat zjarrfikëse po punojnë për neutralizimin e vatrave që mbeten ende aktive.

Për shkak të përmasave të zjarrit, gjatë ditës së sotme në operacion janë angazhuar edhe Forcat e Armatosura. Me mjete të rënda, ato po transportojnë dhera dhe po ndërhyjnë për izolimin e vatrave, me qëllim shuarjen e plotë të flakëve.

Zjarri shpërtheu mbrëmjen e së martës në vendgrumbullimin e mbetjeve, duke shkaktuar ndotje të konsiderueshme të ajrit në zonën përreth dhe shqetësim për banorët e disa fshatrave.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.