Kuvendi mblidhet sot në seancë plenare, në rend dite ndryshimet në përbërjen e komisioneve

Politikë | 3 muaj më parë

Kuvendi i Shqipërisë zhvillon sot, duke nisur nga ora 10:00, seancën plenare publike, ku në rendin e ditës është parashikuar shqyrtimi i disa çështjeve procedurale dhe organizative.

Deputetët do të miratojnë fillimisht procesverbalin e seancës së datës 23 korrik, do të njihen me njoftimet, si dhe do të shqyrtojnë projektvendimin për ndryshimin e vendimit nr. 87/2026, “Për caktimin e anëtarëve zëvendësues në përbërjen e komisioneve të përhershme të Kuvendit”, i ndryshuar.

Projektvendimi pritet të miratohet me shumicë të thjeshtë votash, në përputhje me parashikimet e Kushtetutës dhe Rregullores së Kuvendit.

Ndërkohë jashtë Kuvendit janë mbledhur protestues dhe një numër i madh forcash policie ka bllokuar zonën përreth institucionit.

kuvendi

seance

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.