Juventusi siguron sulmuesin Bolongo, fiton konkurrencën me Interin

Futboll Bota | 3 muaj më parë

Goditje në perspektivë për Juventusin, që ka siguruar Tegra Bolongo, sulmuesin 15-vjeçar të Lausanne Sport që kërkohej nga shumë klube të mëdha. Bardhezinjtë kanë fituar konkurrencën me Interin që kishte bërë lëvizjet e veta për lojtarin e ri.

Bolongo ka pasaportë zvicerane dhe kongoleze. Para se të firmosë kontratën në shtator, sapo të mbushë 16 vjeç, Bolongo do të kalojë një periudhë prove te “Zonja e Vjetër”.

Bolongo, edhe pse në moshë shumë të vogël, është dalluar për fizikun e tij shumë të fortë. Është 194 centimetra i gjatë dhe luan me këmbën e majtë. Ai u bashkua verën e kaluar me Lausanne Sport, ku realizoi 14 gola në kampionat dhe u grumbullua menjëherë me kombëtaren zvicerane të moshës së tij. Kemi të bëjmë me një profil modern atipik, pasi ka një teknikë të admirueshme me topin në këmbë.

Bolongo

inter

juventus

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.