Vendi ynë do të vijojë të jetë nën ndikimin e masave ajrore të qëndrueshme dhe të nxehta gjatë ditës së shtunë. Sipas Shërbimit Meteorologjik Ushtarak, moti pritet të jetë kryesisht i kthjellët, ndërsa në zonat malore do të shfaqen vranësira të pakta deri mesatare kalimtare, kryesisht nga mesdita deri në orët e pasdites.

Sipas parashikimit, reshje shiu me intensitet të ulët priten përgjatë relieveve malore gjatë mesditës dhe pasdites. Në relievet e larta malore, veçanërisht në veri dhe lindje të vendit, reshjet mund të shoqërohen me shtrëngata, por këto episode pritet të jenë të shkurtra në kohë.

Sa i përket erës, ajo do të fryjë kryesisht nga kuadrati i perëndimit, me shpejtësi mesatare deri në 6 m/s. Herë pas here, përgjatë vijës bregdetare dhe në zonat luginore, era pritet të forcohet, duke arritur deri në 14 m/s. Në det, valëzimi pritet të jetë i forcës 1–3 ballë.

/rtsh.al/