Aksion në Karaburun, IKMT shemb strukturën e drurit që shërbente si lokal

Aktualitet | 3 muaj më parë

Një tjetër aksion i Inspektoratit Kombëtar të Mbrojtjes së Territorit është zhvilluar sot, 12 gusht, në zonën e Gadishullit të Karaburunit në Vlorë, ku është ndërhyrë për shembjen e një objekti.

Bëhet fjalë për një strukturë prej druri që shërbente si lokal dhe restorant, e cila është prishur gjatë aksionit të IKMT-së.

Ndërhyrja është zhvilluar nën praninë e forcave të Policisë së Shtetit, ndërsa në terren kanë qenë drejtori i Policisë, Skënder Hita, kryeinspektori i IKMT-së, Afrim Qëndro, si dhe drejtori i Policisë së Vlorës, Edvin Ndreu.

Aksioni vjen në kuadër të ndërhyrjeve për shembjen e ndërtimeve pa leje dhe mbrojtjen e territorit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.