Kristian Shpendi ka shënuar golin e tetë personal në dhjetë javë të Serisë B, në barazimin 1-1 që Cesena arriti në fushën e Sudtirolit. Për Shpendin ky është një fillim sezoni i shkëlqyer, duke ditur që në kampionatin e kaluar shënoi 12 gola në 37 ndeshje.

Kristian Shpendi ka shënuar golin e tetë në dhjetë javë të serisë B me Cesenën, duke u shfaqur edhe një herë në formë të mirë, ashtu si sezonin e kaluar. Cesena luante në transfertë kundër Sudtirol dhe Shpendi, në minutën e 65-të, iu përgjigj golit të vendasve të shënuar në pjesën e parë.

Ndeshja u mbyll në barazim 1-1 dhe Cesena shkon 12 pikë, dy më pak se kundërshtari. Për Shpendin është një sezon fantastik deri tani, teksa kryeson renditjen e shënuesve me tetë gola, i ndjekur nga belotti me shtatë.

Në sezonin e kaluar, sulmuesi shqiptar shënoi 12 gola në 37 ndeshje të luajtura dhe është dukshëm në rrugën e duhur për ta kaluar këtë shifër, kur kanë kaluar vetëm dhjetë javë.

Gol të rëndësishëm ka shënuar edhe Indrit Tuci në kampionatin slloven. Skuadra e tij, Olimpija e Lubjanës, fitoi 1-0 në fushën e Mariborit. Tuci shënoi në minutën e 56-të golin e vetëm të takimit, i katërti për të në kampionat.