Bitcoin kap rekord të ri, vlera e kriptomonedhës arrin vlerën 100 mijë dollarë

Ekonomi | 2 vite më parë

Bitcoin ka shënuar për herë të parë vlerën e 100 mijë dollarëve.

Vlera historike u arrit disa orë pasi presidenti i sapozgjedhur amerikan, Donald Trump, njoftoi se do të emërojë Paul Atkins si drejtues të Komisionit të Letrave me Vlerë, i cili njihet edhe si mbështetës i kriptomonedhave.

Megjithatë fitorja e zgjedhjeve nga republikani 78-vjeçar është parë si katalizator për rritjen e vlerës së Bitcoin, pasi nga 5 nëntori monedha digjitale ka parë një rritje me mbi 45 për qind.

Ndërkohë edhe kriptovalutat e tjera kanë shënuar rritje të ngjashme.

Askush nuk e di me siguri se kush e shpiku Bitcoin, por ideja për paranë virtuale qarkulloi në internet në vitin 2008 nga dikush i vetëquajtur Satoshi Nakamoto.

Gazetare: Vjollca Zharri

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.