Nations League/ Programi i Kombëtares, Maran shpall listën dhe del në konferencë më 7 nëntor

Kombëtarja | 42 minuta më parë

Kombëtarja shqiptare do të luajë dy ndeshjet e fundit të këtij edicioni të UEFA Nations League, ndaj Finlandës më 12 nëntor, në stadiumin “Air Albania”, në orën 20:45, dhe Bjellorusisë më 15 nëntor, në “Illovszky Rudolf Stadion”, në orën 18:00.

Trajneri i Kombëtares, Rolando Maran, do të shpallë listën e lojtarëve të grumbulluar për këto dy sfida ditën e shtunë, më 7 nëntor, në orën 11:00. Në të njëjtën orë, në ambientet e “Shtëpisë së Futbollit”, do të zhvillohet konferenca për media, ku tekniku kuqezi do të flasë për listën e lojtarëve dhe për dy ndeshjet e radhës.

Seanca e parë stërvitore e kuqezinjve është programuar të zhvillohet ditën e hënë, më 9 nëntor, kur skuadra do të nisë zyrtarisht përgatitjet për dy takimet e fundit të grupit C1, ku Shqipëria kryeson me 9 pikë.

maran

Programi i Kombëtares

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.