Abissnet Superiore në RTSH/ Derbi i parë i sezonit, Partizani njofton tifozët për biletat

Abissnet Superiore | 2 muaj më parë

Këtë fundjavë do të luhet derbi i parë i këtij kampionati të Abissnet Superiore, që transmetohet në RTSH. Për javën e katërt përballen Partizani dhe Dinamo, por ndeshja nuk do të luhet në kryeqytet.

Të kuqtë janë skuadra pritëse, por nuk e kanë ende gati stadiumin e tyre, kështu që sfida zhvillohet në stadiumin e Vorës të shtunën, në orën 16:00. Klubi i Partizanit ka publikuar në faqen e vet zyrtare çmimet e biletave për këtë ndeshje. Bileta më e shtrenjtë kushton 2000 lekë, kurse më e lira 500 lekë.

Partizani vjen në këtë ndeshje pas fitores në Shkodër ndaj Vllaznisë, kurse Dinamo pas fitores me Elbasanin. Për momentin blutë duken më mirë, por në një derbi nuk mund të bësh asnjë parashikim dhe të shtunën do të jetë fusha ajo që do të tregojë më shumë për këta dy rivalë.

biletat

Derbi

dinamo

partizani

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.