Abissnet Superiore në RTSH/ Partizani spostohet në Rrogozhinë për ndeshjen me Laçin

Abissnet Superiore | 2 muaj më parë

Partizani nuk ka gati fushën e tij dhe për këto javë të para të kampionatit duhet të gjejë strehë në një stadium tjetër edhe si ekip pritës. Ndeshjen e parë të kuqtë e luajtën në stadiumin e Vorës, ku barazuan 0-0 me Teutën.

Për ndeshjen e javës së dytë të Abissnet Superiore, që transmetohet në RTSH, Partizani ka zgjedhur stadiumin e Rrogozhinës. Sërish kryeqytetasit luajnë si skuadër pritëse, këtë herë ndaj Laçit. Kjo ndeshje është programuar të luhet ditën e shtunë, në orën 18:30, në fushën me bar natyral të stadiumit “Arena Egnatia”.

Për Partizanin është një ndeshje e rëndësishme dhe objektivi i vetëm është fitorja. Trajneri Bratu nuk do të ketë të gatshëm mesfushorin Human, i ndëshkuar me karton të kuq kundër Teutës.

laci

partizani

Rrogozhina

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.