Aksident në Berat, motoçikleta përplas turistin holandez te vijat e bardha

Aktualitet | 4 muaj më parë

Një aksident rrugor është regjistruar në “Rrugën e Lumit”, përgjatë shëtitores në qytetin e Berat, ku një turist është përplasur nga një motoçikletë teksa po kalonte në vijat e bardha.

Sipas informacioneve paraprake, një 35-vjeçar që qarkullonte me motoçikletë në këtë segment rrugor ka përplasur shtetasin holandez V.J., 53 vjeç, i cili po kalonte rrugën së bashku me një grup turistësh.

I plagosuri është transportuar me urgjencë drejt Spitalit Rajonal të Beratit, ku pas marrjes së ndihmës mjekësore ndodhet jashtë rrezikut për jetën dhe nën kujdesin e mjekëve.

Në vendngjarje kanë mbërritur efektivët e Sektorit të Qarkullimit Rrugor në DVP Berat, të cilët kanë kryer veprimet hetimore dhe kanë shoqëruar në polici drejtuesin e motoçikletës, shtetasin B.M., 35 vjeç, banues në Berat.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.