Aksident në Lushnjë, makina përplaset me ishullin e trafikut, humb jetën 43-vjeçari

Aktualitet | 5 muaj më parë

Një aksident me pasojë vdekje është regjistruar në orët e para të mëngjesit të kësaj të marte (2 qershor) në Lushnjë.

Sipas informacioneve paraprake, ngjarja ka ndodhur rreth orës 04:30, në zonën e rrethrrotullimit të Plastmasit, ku një automjet është përplasur me ishullin e trafikut.

Si pasojë e përplasjes së fortë, automjeti është përmbysur në rrugë, ndërsa drejtuesi i tij, shtetasi E.Xh., 43 vjeç, banues në Karbunarë e Vogël, ka humbur jetën në vendngjarje.

Paraprakisht dyshohet që shkak i aksidentit të jetë bërë shpejtësia e lartë me të cilën po lëvizte automjeti, ndërsa policia vijon hetimet.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.