Aksident në rrethrrotullimin e Kolonjës, tre persona përfundojnë në spital

Aktualitet | 5 muaj më parë

Një aksident rrugor është regjistruar mëngjesin e kësaj të diele në rrethrrotullimin e Kolonjës, ku një automjet tip “Audi” ka dalë nga rruga dhe është përplasur me një pemë.

Sipas raportimeve, mjeti drejtohej nga një grua, ndërsa shkaqet e aksidentit ende nuk janë bërë të ditura.

Në automjet udhëtonin tre persona, të cilët pas përplasjes janë transportuar drejt ‘Spitalit të Lushnjes’ për kontroll mjekësor.

Fatmirësisht, të tre ndodhen jashtë rrezikut për jetën.

Policia ka nisur hetimet për të zbardhur rrethanat dhe shkaqet e aksidentit, ndërsa pritet që ekspertiza të përcaktojë motivet e daljes së mjetit nga rruga.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.