Ambasada Amerikane në Tiranë ka uruar të gjithë besimtarët myslimanë për muajin e Ramazanit. Me një postim në rrjetin social Facebook, teksa shpërndan mesazhin presidencial ambasada shkruan se çdo Ramazan përfaqëson një periudhë përkushtimi ndaj ripërtëritjes shpirtërore, meditimit reflektues dhe vlerësimit për bekimet e panumërta të Zotit.

“Sot, u dërgoj përshëndetjet dhe urimet e mia më të mira të gjithë atyre që festojnë Ramazanin. Çdo Ramazan përfaqëson një periudhë përkushtimi ndaj ripërtëritjes shpirtërore, meditimit reflektues dhe vlerësimit për bekimet e panumërta të Zotit.” – Mesazhi Presidencial për Ramazanin”,  thuhet në postimin e ambasadës.

Besimtarët myslimanë nisin sot muajin e shenjtë të Ramazanit, një periudhë e cila është e mbushur me reflektim shpirtëror, solidaritet, begati dhe mundësi për mirëkuptim me njëri-tjetrin. Ramazani, që është një nga pesë shtyllat e Islamit, shënon muajin e nëntë në kalendarin islamik dhe është një kohë e shenjtë për agjërim, lutje dhe dhurim.

/rtsh.al/