Arrihet marrëveshja, Chivu do rinovojë kontratën me Interin deri në vitin 2028

Futboll Bota | 5 muaj më parë

Cristian Chivu dhe Interi do të vazhdojnë bashkëpunimin mes tyre. Trajneri kampion i Italisë dhe klubi zikaltër kanë arritur një marrëveshje për të zgjatur kontratën e tij aktuale deri në vitin 2028, me një rritje page, që shkon 4 milionë euro në sezon.

Nënshkrimi dhe njoftimi zyrtar janë ende në pritje, të cilat me shumë gjasa do të bëhen nga presidenti i Interit, Beppe Marotta, gjatë Festivalit të Serie A në Parma.

Chivu, i cili e udhëhoqi Interin drejt fitimit të titullit dhe një Kupe Italie në sezonin e tij të parë si trajner, mbërriti në klub këtë mëngjes për të finalizuar kushtet e zgjatjes dhe për të planifikuar tregun e transferimeve me klubin.

Zgjatja e kontratës pritej dhe nuk ishte kurrë në dyshim, prandaj palët në thelb u takuan vetëm për të sqaruar detajet.

Chivu

Interi

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.