Atletikë/ Rekordet historike të Bekele dhe Kipketer thyhen në “New Balance Indoor Grand Prix”

Evente Sportive | 9 muaj më parë

Atletika ka tashmë protagonistin e saj të parë të madh të vitit. Flasim për amerikanin Josh Hoey, i cili dje theu rekordin historik të 800 metrave në garat e sallave të mbyllura. Rekord ky që mbahej nga Dane Wilson Kipketer (i lindur në Kenia) i vendosur në Kampionatin Botëror të Sallave të Mbyllura në Paris në vitin 1997.

Hoey arriti që të vendoste një rekord të ri në garën e 800 metrave pasi ndali kronometrin në kohën 1:42.50 duke i hequr 17 të qindtat rekordit të mëparshëm.

Po dje një tjetër amerikan shkroi historinë duke thyer rekordin e vendosur 19 vite më parë nga Kenenisa Bekele. Hobbs Kessler arriti që të ndalonte kronometrin me kohën 4:48.79 në garën e 2,000 metrave duke përmirësuar rekordin e mëparshëm (4:49.99).

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.