Bashkia Këlcyrë gjatë vitit 2025 ka vijuar punën për përmirësimin e shërbimeve publike, zhvillimin infrastrukturor dhe rritjen e mirëqenies së qytetarëve, duke pasur në fokus nevojat reale të komunitetit

“Kemi pasur shumë projekte të rëndësishme ku disa i kemi në zbatim e sipër, disa projekte të cilat ne i kemi bërë gati për vitin 2026. Kemi pasur problematikë shumë vite më parë, është shëtitorja e liqenit, disa investime të tjera që kanë përfunduar në 2025. Janë dhe sistemi i fasadave të jashtme të pallateve, është rruga Ballaban-Berat ku po ecet me ritme të shpejta”, deklaroi kryebashkiaku i Këlcyrës, Klement Ndoni.

Bashkia ka krijuar kushte lehtësuese për hapjen e bizneseve të reja, duke ofruar mbështetje administrative dhe orientim për sipërmarrësit lokalë. Kjo ka ndikuar në rritjen e aktivitetit ekonomik dhe gjallërimin e tregut lokal.

“Mbi bazën e kërkesave që janë paraqitur në bashki, nga ana jonë është bërë cdo lehtësim i mundshëm që bizneseve të mos iu krijohet asnjë pengesë sai takon fillimit, sepse fillimi gjithmonë është i vështirë”, shtoi Ndoni.

Me vëmendjen te shërbimet publike, ekonomia lokale dhe mbështetja për komunitetin etj ,bashkinë Këlcyre synon të vijojë përmirësimin e cilësisë së jetesës për qytetarët e saj.

/RTSH/