Në raundin e 6-të të fazës në grup në Ligën e Kampioneve, Bayern arriti një fitore 3-1 ndaj Sporting. Pasi humbën ndaj Arsenalit në raundin e mëparshëm, bavarezët u rikthyen para tifozëve të tyre. Golat e Gnabry, Karl dhe Tah ishin vendimtarë, pas autogolit të Kimmich.

Në fushë për bavarezët u rikthye dhe Alphonso Davies. Në minutën e 88-të kanadezi u rikthye pas një dëmtimi të gjatë që e mbajti jashtë për 262 ditë. Me këtë fitore, Bayern u ngjit në 15 pikë dhe iu ribashkua Arsenalit (të paktën për një natë) në krye të tabelës. Sporting mbetet me 10 pikë.

Edhe Olympiacos festoi, duke fituar 1-0 kundër Kairat Almaty, aty ku temperatura bien në -29°C. Në Kazakistanin e ngrirë, grekët arritën fitoren e tyre të parë me golin e shënuar nga Martins në minutën e 73-të. Ekipi i Pireut ngrihet kështu në pesë pikë. Kairat Almaty mbetet i bllokuar në një pikë.