Botërori i Atletikës në Tokio/ Maratona vendoset me fotofinish, Simbu mund Petros dhe shkuran historinë për Tanzaninë

Evente Sportive | 1 vit më parë

Maratona e Botërorit të Atletikës “Tokio 2025” u mbajt mbrëmjen mes së dielës dhe të hënës ndërsa për të shpallur fituesin komisarët e garës u detyruan që të konsultoheshin me fotofinishin pasi në distancën e 42.195 km si Alphonce Felix Simbu dhe Amanal Petros thuajse dhuaruan të njëjtën kohë.

Atleti nga Tanzania arriti që të fitonte pasi ishte tre të qindtat e sekondës më i shpejtë se atleti gjerman, Petros. Të dy atletët përfunduan garën me kohën 2:09:48!

Ky sukses e bën Simbu, atletin e parë që fiton një medalje të artë për vendin e tij. 33-vjeçari nuk është një figurë e re në këtë disiplinë pasi fitoi të bronztë në Botërorin e Atletikës “Londër 2017” ndërsa këtë vit ai përfundoi në vendin e dytë Maratonën e Bostonit.

Sa i përket vendit të tretë, podi u plotësua nga atleti italian Iliass Aouani (2:09:53).

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.