Britania njofton mbështetje të mëtejshme ushtarake prej 450 milionë paund për Ukrainën

Botë | 2 vite më parë

Britania ka njoftuar një mbështetje tjetër ushtarake prej 450 milionë paund për Kievin. Ndihma përfshin 160 milion paund për të siguruar riparime dhe mirëmbajtjen e automjeteve dhe pajisjeve që Mbretëria e Bashkuar i ka ofruar tashmë Kievit. Po ashtu përfshinë edhe financim për sistemet e radarëve, minat antitank dhe qindra mijëra dronët me vlerë më shumë se 250 milionë paund.

Ndihma vjen para se Grupi i Kontaktit për Mbrojtjen e Ukrainës të mblidhet sot në Bruksel.

Grupi prej 50 vendesh përbëhet nga aleatët e Ukrainës dhe mblidhet për të diskutuar se si të koordinohet mbështetja ushtarake për Kievin në luftën e tij kundër Rusisë.

Sot është hera e 27-të që thirret, ndërsa që nga viti 2022, shumica dërrmuese e takimeve (25) janë kryesuar nga Shtetet e Bashkuara.

/rtsh.al/

britani

lufta Rusi-Ukraine

ukraine

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.