Burgu i Pojskës, nis zhvendosja nga IEVP 325 e 54 grave të burgosura dhe të paraburgosura

Sociale | 2 vite më parë

Gratë e burgosura dhe të paraburgosura të cilat vuanin dënimin pranë Institucionit të Ekzekutimit të Vendimeve Penale i njohur ndryshe 325 janë zhvendosur tashmë në burgun e Pojskës, kjo për arsye se burgu i grave në Tiranë në vazhdim do të funksionojë vetëm si burg i hapur.

Sipas burimeve, në këtë institucion do të mbahen të dënuarit në gjysmë liri, ata të cilët shkojnë në burg vetëm natën, pasi ditën punojnë ose do të ndjekin një shkollë.

Burgu i Pojskës në Pogradec është një godinë e re, e sigurisë së zakonshme dhe me standartet e kërkuara.

Puna për rikonstruksionin e godinave dhe përshtatjen e tyre në një institucion të vuajtjes së dënimit ka nisur që prej vitit 2020 dhe tashmë çdo gjë është gati për funksionimin e tij.

Në burgun e Pojskës parashikohen të vendosen afërsisht rreth 110 të dënuar.

Gazetare Enea Prenjasi

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.