Çarja e argjinaturës së Semanit, përmbyten 20 banesa në Hasturkas të Libofshës

Aktualitet | 10 muaj më parë

Vijon përmbytja në zonën e Hasturkasit, në Libofshë, si pasojë e daljes nga shtrati të lumit Seman. Sipas informacioneve paraprake, rreth 20 banesa janë përfshirë nga uji.

Ditën e djeshme lumi Seman çau argjinaturën në disa segmente, në afërsi të fshatrave Ndërnënas dhe Hasturkas në Libofshë, si pasojë e prurjeve të shumta.

Uji vërshoi përtej argjinaturës duke përmbytur tokat bujqësore dhe duke alarmuar banorët e zonës.

Ndërkaq, forcat e ushtrisë kanë përfunduar nxjerrjen nga zona e përmbytur të 220 deleve, ndërkohë që më herët janë nxjerrë nga dy stalla 200 qengja.

Në terren ndodhen strukturat e emergjencave, të cilat po ndjekin nga afër zhvillimin e situatës.

/rtsh.al/

libofshe

permbyten

seman

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.