Me hapjen zyrtare të afatit kalimtar të janarit, Pep Guardiola ka pranuar se çdo gjë mund të ndodhë. Në orët e fundit, sipas raportimeve, Manchester City është kandidati i preferuar për të nënshkruar me Antoine Semenyo nga Bournemouth. Sulmuesi i krahut të djathtë ka shënuar tetë gola në 16 paraqitje në Premier League. Palët ende nuk kanë arritur një marrëveshje për transferimin e lojtarit në Etihad, por thuhet se City është opsioni i tij i preferuar.

Duke folur për afatin kalimtar të dimrit në prag të ndeshjes të së shtunës kundër Nottingham Forest, Guardiola tha: “Sezonin e kaluar, kur filloi, nuk mund ta imagjinoja kurrë hapjen e afatit kalimtar me katër ose pesë lojtarë të afruar. Është e hapur dhe çdo gjë mund të ndodhë”.

Rodri, i cili ka qenë jashtë fushave që nga 5 nëntori për shkak të një dëmtimi në kofshën e pas një pushimi të gjatë me një problem në gju, më në fund mund të provojë përsëri fushën. “Rodri është shumë, shumë më mirë. Nëse është i disponueshëm apo jo, do ta vendosim sot”, tha ai në një intervistë me kanalet zyrtare të klubit.