Dënimi i 4 ish-krerëve të UÇK-së në Hagë, Bardhi: Ditë e rëndë për kombin shqiptar
“Ditë e rëndë për kombin shqiptar”, ka qenë kjo deklarata e kreut të grupit parlamentar demokrat Gazment Bardhi pas dënimit me 81 vite burg në total të dhënë nga Gjykata Speciale në Hagë për katër ish-krerët e UÇK-së, Hashim Thaçi, Jakup Krasniqi, Kadri Veseli dhe Rexhep Selimi.
Bardhi deklaroi se vendimi është i papranueshëm, ndërsa theksoi se askush nuk mund të bëjë “pis” luftën e drejtë për lirinë e Kosovës.
“E PABESUESHME! E PAPRANUESHME!
Ditë e rëndë për kombin shqiptar, por akoma më e rëndë për njerëzimin dhe botën demokratike. Shqiptarët janë edhe më të fortë pas kësaj PADREJTËSIE DHE TURPI TË NJERËZIMIT!
Askush nuk mund ta bëjë pis luftën e drejtë për LIRINË E KOSOVËS. Përjetësisht me UÇK-në”, deklaroi Bardhi.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Të ngjashme
Të fundit
