Dhunoi bashkëshorten dhe fëmijën e mitur, si dhe qëlloi me armë drejt policisë, në pranga 45-vjeçari

Aktualitet | 1 vit më parë

Një krim brenda familjes është arritur të parandalohej në Tiranë, ku një 45-vjeçar po dhunonte dhe kërcënonte me armë zjarri bashkëshorten dhe fëmijën e tyre të mitur.

Ngjarja ka ndodhur mbrëmjen e djeshme në fshatin Kus në Tiranë, ku pas ndërhyrjes së policisë në banesë, 45-vjeçari ka qëlluar me kallashnikov në drejtim të tyre.

Më pas, duke përfituar nga errësira dhe terreni 45-vjeçari është larguar në drejtim të një zone të pyllëzuar. Pas 2 orë kërkimesh policia ka bërë të mundur kapjen dhe arrestimin e 45-vjeçarit L. A.

Në cilësinë e provës materiale është sekuestruar arma e zjarrit kallashnikov, me fishek në fole si dhe një thikë.

Materialet procedurale iu referuan Prokurorisë së Tiranës, për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.