Dinamo nuk fal, tre gola Flamurtarit

Abissnet Superiore | 11 muaj më parë

Dinamo ka arritur një fitore 3-0 në Vlorë përballë Flamurtarit, në kuadër të javës së 15-të të “Abissnet Superiore”, në një ndeshje që erdhi për shikuesit në ekranin e RTSH2.

Pavarësisht përpjekjeve të skuadrës vlonjatë në minutat e para, dinamovitët arritën të zhbllokojnë sfidën në mundësinë e parë të krijuar me anë të Lorenco Vilës.

E njëjta situatë edhe në pjesën e dytë, me Qefalian që dërgon në rrjetë një top të shërbyer nga Bregu brenda zonës vlonjate.

Për të mbyllur të gjitha llogaritë ka menduar James, i ardhur nga stoli, i cili shfrytëzoi maksimalisht një top të Ferrukut nga e djathta e sulmit.

Me këtë fitore Dinamo ngjitet në vendin e tretë me 26 pikë, ndërsa Flamurtari mbetet në vendin e parafundit me 13 pikë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.