Domatet me çmim të lartë në treg, prodhimi doli me vonesë pasi serat u përmbytën në dimër

Ekonomi | 7 muaj më parë

Prodhimet e domateve te serave këtë sezon po dalin me vonesë, si pasojë e përmbytjeve të zonave bujqësore gjatë dimrit.

Fermerët në Lushnjë dhe Berat pësuan dëme të konsiderueshme në sera, duke ndikuar në uljen e prodhimit dhe shtyrjen e daljes së produktit në treg. Si rrjedhojë, oferta është më e kufizuar, ndërsa kërkesa mbetet e lartë duke u shoqëruar më rritje të çmimit.

Aktualisht, një kilogram domate po tregtohet deri në 300 lekë.

Rritja e kostove nga mbjellja e fidanëve deri në tregtim ka rënduar fermerët . Ata thonë se shumë prej tyre nuk po investojnë më në mbjellje të reja .

Kjo situatë ka ndikuar drejtpërdrejt në furnizimin e tregut me produkte vendase, ndërsa pritet që vjelja e prodhimit në javët në vijim të sjellë edhe ulje të çmimeve për konsumatorët.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.