Ekipet Kombëtare të vajzave, vijojnë përgatitjet intensive në kuadër të kualifikueseve të Europianit

Kombëtarja | 9 muaj më parë

Ekipet kombëtare të vajzave vijojnë me intensitet përgatitjet në kuadër të turneve kualifikuese të radhës, duke zhvilluar stërvitje të rregullta në ambientet e “Shtëpisë së Futbollit”, si edhe teste miqësore që shërbejnë për rritjen e nivelit konkurrues dhe konsolidimin e skuadrave.

Në këtë kuadër, ekipi kombëtar U-19 për vajza zhvilloi së fundmi një ndeshje testuese ndaj skuadrës së Partizanit, një përballje që i dha mundësi stafit teknik, nën drejtimin e trajneres Daniela Kodra, të aktivizojë vajzat e grumbulluara dhe të vlerësojë gjendjen e tyre fizike e tekniko-taktike.

Paralelisht, edhe ekipet kombëtare të moshave më të vogla të vajzave kanë zbritur në fushë, duke vijuar procesin e përgatitjes dhe zhvillimit, në kuadër të strategjisë për forcimin e futbollit të vajzave dhe ndërtimin e një baze të qëndrueshme për të ardhmen.

Ekipet Kombëtare të vajzave

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.