Erozioni detar rrezikon bregdetin e Kune Vainit në Lezhë, eksperti : Duhen masa urgjente

Sociale | 2 vite më parë

Zona e Kune Vainit, bën pjesë në hartën e zonave të mbrojtura. Shqetësimi i ngritur prej specialistëve të mjedisit është erozioni i vazhdueshëm i cili është bërë më shumë agresiv.

Në 50 vitet e fundit, avancimi i detit është 400 m në drejtim të tokës duke bërë të humbin 360 ha.

Ekspertët bëjnë thirrje për ndërhyrje urgjente frenimi e parandalimi.

“Llogaritet që nga viti 1970 kësaj zone i mungojnë 362 ha që janë goxha me sipërfaqet që kanë zonat e tjera të mbrojtura”, tha ekserti.

Parku natyror i Kune Vainit përgjatë deltës së Lumit Drin, ka një sipërfaqe prej rreth 44 km katror dhe është zona e parë e mbrojtur e shpallur në Shqipëri që në vitin 1940 si rezervat gjuetie dhe si rezervat natyror në vitin 2010.

Gazetar: E.Elbasani

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.