EuroLeague në RTSH/ Olympiacos “feston” triumfin duke i shtuar ekipit një tjetër yll, Jean Montero transferohet në Pire

Basketboll | 5 muaj më parë

Olympiacos sapo fitoi EuroLeague, por tashmë ka një arsye tjetër për të festuar. Klubi nga Pireu ka siguruar shërbimet e lojtarit më të kërkuar në tregun e transferimeve. Jean Monteron ka lënë Valencia Basket dhe duke nisur nga sezoni i ardhshëm do të mbrojë ngjyrat bardhe e kuqe.

Klubi i vëllezërve Angelopoulos nuk ka heziatuar të forcojë ekipin për sezonin e ardhshëm dhe do të paguajë klauzolën organizatorit nga Republika Domenikane.

Sipas Sergio Llebrés, i cili raportoi i pari këtë marrëveshje, klauzola ishte një milion euro gjatë sezonit ndërsa tani në fund të saj reduktohet 50%. 22-vjeçari, i cili mesatarisht ka shënuar 14.4 pikë për ndeshje, do të firmosë një kontratë 3-vjeçare.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.