Frikë për kombëtaren nigeriane, avioni bën ulje emergjente pas një incidenti në ajër

Botërori 2026 | 1 vit më parë

Aeroplani i ekipit të futbollit të Nigerisë u detyrua të bënte një ulje emergjente pasi pësoi një çarje në xhamin e përparmë.

“Super Shqiponjat” kishin marrë rrugën në kthim nga Afrika e Jugut, ku fituan 2-1 përballë Lesotos të premten.

Aeroplan çarter i “ValueJet Airline”, i cili ishte përdorur për të dërguar ekipin në Afrikën e Jugut javën e kaluar, u përdor përsëri për udhëtimin e kthimit.

Federata Nigeriane e Futbollit deklaroi se avioni u ndal në kryeqytetin e Angolës, Luanda, për furnizim rutinë me karburant.

Në një deklaratë, federata konfirmoi se xhami i përparmë i avionit pësoi një “çarje të rëndë” në ajër.

Kjo bëri që pilotët të kërkonin ulje emergjente 25 minuta pas nisjes së fluturimit, me aeroplanin që u ul pa probleme në aeroportin e Luandës.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.