Këshilli i Lartë i Prokurorisë (KLP) ka përmbyllur fazën e verifikimit dhe ka publikuar listën përfundimtare të magjistratëve që plotësojnë kriteret ligjore për t’u bërë pjesë e Këshillit të Emërimeve në Drejtësi (KED) për vitin e ardhshëm.

Në zbatim të ligjit “Për organet e qeverisjes së sistemit të drejtësisë”, KLP ka konfirmuar emrat e prokurorëve nga Prokuroria e Përgjithshme dhe ajo e Apelit, të cilët do t’i nënshtrohen shortit.

Kandidatët nga Prokuroria e Përgjithshme Në garë për të përfaqësuar organin qendror të akuzës në KED janë kualifikuar 9 prokurorë, përfshirë edhe vetë Prokurorin e Përgjithshëm. Lista e plotë është si më poshtë:

Alfred Progonati

Alma Muça

Anila Leka

Arqilea Koça

Bujar Sheshi

Hysen Keta

Isa Jata

Kostaq Beluri

Olsian Çela

Kandidatët nga Prokuroria e Apelit për vendet vakante që i takojnë shkallës së dytë të gjyqësorit, KLP ka kualifikuar gjithashtu 9 kandidatë nga Prokuroria e Apelit të Juridiksionit të Përgjithshëm:

Afërdita Ndoi

Altin Binaj

Arben Qosja

Arta Marku

Etien Kapo

Genti Xholi

Gjon Fusha

Irma Balli

Kleanth Zeka

Kjo listë i hap rrugë shortit që zhvillohet zakonisht në Presidencë në fillim të muajit dhjetor. KED është një organ kyç kushtetues, përgjegjës për verifikimin dhe renditjen e kandidatëve për Gjykatën Kushtetuese dhe Inspektorin e Lartë të Drejtësisë.

/rtsh.al/