Gjysma e objektit e kthyer në rrënojë, çfarë ka mbetur nga pallati 12 katësh që u përfshi nga zjarri, si paraqitet situata sot (Video)

Aktualitet | 7 muaj më parë

Dëmet e shkaktuara nga zjarri tek pallati afër farmacisë 10 përballë QSUT në Tiranë janë të rënda. Edhe pse flakët janë shuar, nga ndërtesa vijon të dalë tym, ndërsa gjysma e objektit është kthyer në rrënojë. Janë 30 apartamente të prekur nga flakët.

Pallati u përfshi nga flakët pasditen e djeshme, ndërsa aksioni gjithëpërfshirës i zjarrfikësve, emergjencave civile, policisë, forcave Renea bëri të mundur që të mos kishte asnjë jetë të humbur. Ditën e djeshme u raportua për 11 persona të lënduar, kryesisht me djegie të lehta dhe asfiksi nga tymi, mes të cilëve 3 zjarrfikës.

Vatra e zjarrit dyshohet të ketë nisur në katin e parë të objektit dhe është përhapur më pas nga materiali i fasadës së pallatit, ndërsa ende vijojnë hetimet për të përcaktuar shkakun e saktë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.