Gravina: Kombëtarja nuk i intereson askujt në Itali, modeli gjerman i duhuri për tu rikthyer!

Itali | 7 muaj më parë

Presidenti i dorëhequr i Federatës Italiane të Futbollit në një intervistë të dhënë për “Il Corriere della Sera” ka shpjeguar se nuk është faji i tij dështimi i Italisë në Eliminatoret e Botërorit 2026.

“E vërteta qëndron në faktin se në Itali jo të gjithë punojnë për të arritur interesin e përbashkët. Klubet janë institucione private dhe shikojnë interesat e tyre. Nuk kanë durim të punojnë për të ardhmen e kombëtares italiane të futbollit”, shpjegon Gravina.

Gjatë intervistës ai jep edhe modelin që Italia duhet që të shikojë për tu rikthyer në rrugën e duhur. “Adhuroj modelin gjerman pasi ata kanë punuar të gjithë në një drejtim. E kanë nisur nga zero pasi dëshironin me të vërtetë që të përmirësonin kombëtaren. Ne duhet ta themi troç në Itali, kombëtarja i intereson vetëm tifozëve”, akuzoi Gabriele Gravina.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.