Greku vret me thikë brenda burgut 49-vjeçarin shqiptar

Aktualitet | 10 muaj më parë

Një 49-vjeçar shqiptar është vrarë në burgun grek të Korydallos. Ai është sulmuar për vdekje me thikë në ambientet e burgut grek ku edhe ndërroi jetë nga plagët e marra.

Ngjarja e përgjakshme ndodhi në rrethana të paqarta, gjë e cila ka mobilizuar menjëherë autoritetet greke.

Sipas informacioneve të para, autori është një i burgosur grek. Ai e ka sulmuar shqiptarin duke përdorur një objekt të mprehtë të improvizuar.

49-vjeçari shqiptar ishte dënuar me dy vjet dhe 12 muaj burg për vrasje. Në qershor të vitit 2015 ai kishte arritur t’i shpëtonte burgut ndërsa në dhjetor 2024 u dërgua sërish në qeli, raportojnë mediat greke.

Po ashtu edhe autori i ngjarjes, 28-vjeccari grek ishte i dënuar për vepra të rënda penale.

Ndërkaq, hetimet janë duke vazhduar për të sqaruar motivet dhe rrethanat e plota.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.