Hapet njëra korsi e urës së re mbi Drin, ulet ndjeshëm trafiku

Me përfundimin e punimeve është bërë e mundur hapja e njërës korsi të urës së re mbi Drin. Me hapjen e kësaj korsie ka rënë ndjeshëm trafiku ku numri i udhëtarëve është i lartë që shkojnë drejt Shqipërisë dhe anasjelltas.

Gjatë sezonit veror pjesa më e madhe e shtetasve të Kosovës nisen drejt bregdetit për të kaluar pushimet, prandaj vënia në funksion të udhëtarëve ka bërë të mundur reduktimin e radhëve kilometrike që krijoheshin më parë

Edhe korsia tjetër pritet të hapet brenda dy ditëve për shkak se po asfaltohet pjesa e rrugës jashtë urës dhe do të funksionojë me 4 korsi. Rrugëtimi në këtë vepër infrastrukturore është magjik, ku cdo kalimtarë nuk nguron të bëjë foto e video.

Tashmë mori fund trafiku në hyrje të urës dhe dalje të saj. Gjatësia prej 310 metrave dhe një hark 56 metra me konstrukt celiku nga material corten e vecon  nga ura e tjera të Rajonit.

Gazetar: Dashmir Shehu

/rtsh.al/