Ushtruesja e detyrës së Presidentes së Kosovë, Albulena Haxhiu, pritet të nisë sot (30 prill) konsultimet me partitë politike për caktimin e datës së zgjedhjeve të parakohshme parlamentare.

Takimi konsultativ është paralajmëruar të mbahet në orën 15:00, në kuadër të përpjekjeve për të përcaktuar një datë të pranueshme për të gjitha palët politike.

Një ditë më parë, Haxhiu zhvilloi një takim me kryetarin e Komisioni Qendror i Zgjedhjeve, Kreshnik Radoniqi. Pas takimit, Radoniqi deklaroi se 7 qershori konsiderohet si data më e favorshme për organizimin e procesit zgjedhor.

Sipas tij, edhe Gjykata Kushtetuese e Kosovës ka përcaktuar se zgjedhjet mund të mbahen më 31 maj ose 7 qershor.

“Për mendimin tonë është 7 qershori, por i mbetet presidentes të vendosë”, u shpreh Radoniqi, duke shtuar se data përfundimtare do të caktohet pas përfundimit të konsultimeve.

Ai theksoi gjithashtu nevojën që KQZ të ketë kohë të mjaftueshme për përgatitjen e procesit zgjedhor, ndërsa buxheti për organizimin e zgjedhjeve pritet të jetë i përafërt me atë të zgjedhjeve të kaluara.

/rtsh.al/