I dënuar me 3 vite e 6 muaj burg në Kosovë, arrestohet në Durrës 57-vjeçari

Aktualitet | 2 muaj më parë

Një 57-vjeçar i shpallur në kërkim ndërkombëtar nga autoritetet e Kosovës është lokalizuar dhe arrestuar provizorisht në Durrës, me qëllim ekstradimin.

Policia e Durrësit ka finalizuar operacionin e koduar “Wanted 38”, në kuadër të operacioneve për lokalizimin dhe kapjen e personave të shpallur në kërkim ndërkombëtar.

Në pranga u vu E. Zh., 57 vjeç, lindur në Kosovë, të cilin Gjykata e Prishtinës e ka dënuar me 3 vite e 6 muaj burgim për veprat penale “Falsifikimi i dokumenteve” dhe “Mashtrimi”.

Interpol Tirana, në bashkëpunim me autoritetet homologe të Kosovës, vijon procedurat ligjore për ekstradimin e 57-vjeçarit drejt Kosovës.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.