I kërkoi dorëzimin e Radojiçiq, Vuçiq-Kurtit: S’u përgjigjem personave që s’thonë asgjë për ekonominë

Rajon | 2 vite më parë

Presidenti serb Aleksandar Vuçiq (Aleksandar Vucic) në fjalën e tij në samitin BE-Ballkani Perëndimor ka deklaruar se Beogradi është më pranë BE-së me planin e rritjes së miratuar së fundmi.

Vuçiq u shpreh se janë një sërë reformash të cilat duhen përshtatur.

Ndërkaq thirrjes së kryeministrit të Kosovës Albin Kurti për dorëzimin e Milan Radojiçiqit, Vuçiç u mundua t’i shmangej duke deklaruar se “do ishte e thjeshtë për mua t’i përgjigjesha politikisht disa njerëzve këtu që s’mund të thonë asgjë për ekonominë dhe s’kanë thënë asgjë për ekonomitë e tyre, por janë gati përherë t’i japin leksione politike për të gjithë, jo vetëm për mua. Do ishte e pakuptimtë të bëja si ata, do bëj të pamundurën për ta shmangur një gjë të tillë”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.