I shpallur në kërkim për kultivim të bimëve narkotike, arrestohet një 50-vjeçar në Fier

Aktualitet | 6 muaj më parë

Një shtetas i shpallur në kërkim është arrestuar nga Policia e Fierit, pasi ishte dënuar me 2 vite e 8 muaj burgim për veprën penale “kultivimi i bimëve narkotike”.

Në pranga është vënë shtetasi S. S., 50 vjeç, banues në fshatin Dërmenas, i cili u kap nga shërbimet e Komisariatit të Policisë Fier në vijim të operacioneve për lokalizimin e personave në kërkim.

Sipas Policisë, arrestimi u bë i mundur falë informacioneve të siguruara në rrugë operative, që çuan në identifikimin dhe ndalimin e tij.

Ky shtetas ishte dënuar nga Gjykata e Shkallës së Parë e Juridiksionit të Përgjithshëm Fier me 2 vite e 8 muaj burgim.

Materialet procedurale i janë referuar Prokurorisë së Fierit për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.