IKMT nis prishjet e ndërtimeve pa leje në Ksamil dhe Sarandë

Aktualitet | 6 muaj më parë

Inspektorati Kombëtar i Mbrojtjes së Territorit, në bashkëpunim me Inspektoratin Vendor dhe me mbështetjen e Policisë së Shtetit, ka ndërhyrë sot në Bashkinë e Sarandës për të goditur paligjshmërinë dhe për të mbrojtur hapësirat publike.

Prishjet kanë nisur në njësinë administrative të Ksamilit dhe do të vijojnë edhe ditën e nesërme në qytetin e Sarandës.

Në total parashikohet shembja e 10 objekteve të ndërtuara pa leje, mes të cilave struktura betoni, metalike dhe druri.

Objektet janë konstatuar pa dokumentacionin përkatës dhe në shkelje të ligjit. IKMT ka ndjekur procedurat ligjore dhe ka marrë masat administrative përkatëse për secilin rast.

Ky aksion është pjesë e fushatës së vazhdueshme të institucioneve për të garantuar respektimin e ligjit dhe mbrojtjen e hapësirave publike në zonat turistike të vendit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.