Infrastruktura policore, qeveria akordon 3.7 milionë lekë për rikonstruksionin e Komisariatit Nr. 5 në Kamzë

Aktualitet | 10 muaj më parë

Programi i Rindërtimit do të financojë edhe përmirësimin e infrastrukturës policore. Këshilli i Ministrave, me një vendim të posaçëm, ka miratuar një fond shtesë për rikonstruksionin e godinës së Komisariatit të Policisë Nr. 5 në Kamzë.

Sipas Vendimit Nr. 764, në buxhetin e vitit 2025 të Ministrisë së Punëve të Brendshme, specifikisht në programin “Policia e Shtetit”, shtohet fondi prej 3,690,000 lekësh (pa TVSH).

Ky investim vjen në kuadër të përballimit të pasojave të fatkeqësisë natyrore dhe do të mbulohet tërësisht nga shpenzimet buxhetore të fondit të rindërtimit të miratuar për vitin 2025.

Për zbatimin e këtij vendimi dhe transferimin e fondeve janë ngarkuar Ministria e Infrastrukturës, Ministria e Financave dhe Drejtoria e Përgjithshme e Policisë së Shtetit, e cila është edhe njësia zbatuese e projektit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.