Lionel Messi do të qëndrojë jashtë fushës për një kohë të pacaktuar për shkak të një “dëmtimi të vogël muskulor në këmbën e djathtë”, njoftoi klubi i tij, Inter Miami, në një deklaratë.

38-vjeçari pësoi dëmtimin në fillim të ndeshjes së së shtunës kundër klubit meksikan Necaxa në Fort Lauderdale, Florida, gjatë një ndeshjeje të Kupës së Ligës midis MLS dhe ekipeve meksikane.

Messi “iu nënshtrua testeve mjekësore për të vlerësuar shkallën e shqetësimit muskulor që përjetoi” gjatë ndeshjes, gjë që e detyroi të largohej nga fusha, shpjegoi Inter Miami në deklaratën e saj.

“Rezultatet konfirmuan një këputje të vogël muskulore në këmbën e djathtë. Kthimi i tij në fushë do të varet nga progresi i tij mjekësor dhe përgjigja ndaj trajtimit”, shtoi deklarata.

Prandaj, duhet të presim pak për kthimin e yllit argjentinas në fushën e blertë, një goditje për Miamin në Kupën e Ligës, të cilën klubi e fitoi në vitin 2023 menjëherë pas mbërritjes së Messit në Florida, me këtë të fundit që ka shënuar 18 gola dhe ka dhënë nëntë asiste në 18 ndeshje të MLS këtë sezon.