Ushtria izraelite ka bërë të ditur sulme ndaj objektivave të Hezbollahut në Liban, përfshirë depot e armëve, infrastruktura ushtarake dhe operative të lidhur me grupin.

Sipas deklaratave të IDF-së, sulmet kanë shënjestruar objekte që Hezbollahu i përdorte për të avancuar aktivitete terroriste kundër Izraelit, duke përfshirë një anëtar të Forcës Quds të Iranit dhe operativë të Hezbollahut.

Ushtria nuk specifikoi zonat e sakta të goditura, por raportet nga terreni tregojnë sulme në jug të Libanit dhe zona të tjera.

Më 24 dhjetor, Izraeli goditi infrastrukturën e Hezbollahut, ndërsa afati i fundvitit për çarmatosjen e grupit në jug të Lumit Litani po afrohet.

Pavarësisht armëpushimit të nëntorit 2024, që synonte të përfundonte mbi një vit armiqësi mes Izraelit dhe Hezbollahut të mbështetur nga Irani, Izraeli ka vazhduar sulmet në Liban dhe mban trupa në pesë zona strategjike.

Nën presionin e fortë nga SHBA-ja dhe frikën nga zgjerimi i sulmeve izraelite, Libani është zotuar të çarmatosë Hezbollahun, duke filluar nga jugu.

Ushtria libaneze planifikon të përfundojë çarmatosjen jug të lumit Litani – rreth 30 km nga kufiri me Izraelin – deri në fund të vitit.

Izraeli ka vënë në dyshim efektivitetin e ushtrisë libaneze dhe ka akuzuar Hezbollahun për riarmatim, ndërsa grupi vetë ka refuzuar thirrjet për dorëzimin e armëve.

Situata mbetet e tensionuar, me sulme izraelite thuajse ditore që konsiderohen shkelje të armëpushimit nga pala libaneze dhe ndërkombëtarët, ndërsa Izraeli i justifikon si masa për të parandaluar riarmatimin e Hezbollahut.

/rtsh.al/